خوبصورت جھیل

ہم اکثر کہتے ہیں کہ دوسروں کو مطمئین کرنا بہت زیادہمشکل ہے لیکن میرے خیال میں اپنے آپ کو، اپنی ذات کو مطمئین کرنا سب سے زیادہ مشکل کام ہے....

اپنی زندگی میں انسان جو بھی جنگ لڑتا ہے چاہے وہ محبت کی ہو یا پھر دنیاوی وہ کبھی نہ کبھی ختم ہو جاتی ہے لیکن اپنی ذات سے لڑی جانے والی جنگ واحد ایسی ہے جو کبھی ختم نہیں ہوتی... یہ جنگ انسان کو ہمیشہ الجھا کے رکھتی ہے...

بظاہر تو ہم ایک انسان کو ہمیشہ خوش، ہنستا، مسکراتا دیکھتے ہیں لیکن ہم کبھی یہ اندازہ نہیں لگا سکتے کہ وہ اپنی زندگی سے کیسے لڑ رہا ہے...

انسان کی سوچیں اسے ایک بھنور میں لے جاتی ہے اور وہ ہچکولے کھاتا کبھی ڈوبنے لگتا ہے اور کبھی ساحل کنارے آجاتا ہے...ایسے لوگ کس کرب سے گزرتے یہ صرف وہ اور ان کا رب جانتا ہے....

جانتے ہو ایسے لوگوں کا دل کیسا ہوتا ہے؟؟؟ 

ایسے لوگوں کا دل ایک بہت "خوبصورت جھیل" کی مانند ہوتا ہے...

لیکن پتہ ہے ہم لوگ کیا کرتے ہیں؟؟؟

ہم اس جھیل نما دل میں پوری قوت کے ساتھ پتھر پھینک کر اس کی گہرائی ماپنے کی اک ناکام کوشش کرتے ہیں...

پر ہم یہ بھول جاتے ہیں کہ اس پتھر نے  پر سکون جھیل میں کتنی ہلچل مچا دی ہوگی اور کتنا شور برپا کر دیا ہوگا کیونکہ ہمیں تو بس ہمیشہ اپنی فکر ہوتی ہے... 💯😐🔥

ندا نثار 💕