ایک صدی

آنے والے وقتوں میں مؤرخ لکھے گا کہ ماضی میں ایک صدی ایسی بھی گزری جس کے لوگ خدا کو صرف رب زبان سے مانا کرتے تھے جبکہ بے خبری میں خود خدائی کے دعویٰ پر زندگی گزار رہے تھے... اس صدی کے نوجوان لڑکے مساجد کا رخ بروز جمعہ کیا کرتے تھے...اور نوجوان لڑکیاں "میرا جسم میری مرضی" کا نعرہ سربلند کرتی دکھائی دیتی تھیں... وہ لوگ بےحیائی کو "ماڈرنیزم" کہا کرتے تھے... لوٹ مار، حق تلفی، زنا، دھوکہ دہی، غداری، بے ایمانی، ناانصافی یہ سب بہت عام تھا اس دور عصر میں... عدل وانصاف، ایمانداری، میانہ روی عزت و احترام . نیز اس جیسے تمام لفظوں سے کم ہی لوگ واقف رہ گئے تھے... جس کو جہاں موقع ملتا اپنے سے کمتر پر رعب جماتا اور اپنے سے بہتر کی چاپلوسی کرتا...اس قوم کو علم ہی نا تھا کہ وہ کامیابی کی طرف نہیں بلکہ تباہ و بربادی کی طرف جا رہے تھے...
اس صدی کے لوگ دنیاوی ہوس کے دلدل میں اس قدر دھنستے جا رہے تھے کہ وہ "انا اللہ علی کل شیءٍ قدیر" کو بھی بھول بیٹھے تھے... وہ بھول بیٹھے تھے کہ اوپر جو رب العزت بیٹھا ہے اس کی "لاٹھی بے آواز ہے"...
اس صدی میں دنیا خود کو جتنا کامیاب سمجھ رہی تھی وہ اتنا ہی اپنے آپ کو ایک اندھے کنویں کی طرف لے جارہی تھی....
دنیا جب اپنی خود پرستی میں بالکل مصروف ہوگئ تب اللہ پاک نے اپنے ہونے کا احساس دلایا... جانتے ہو کیسے؟؟؟؟
دنیا میں ایک ایسی ہولناک وبا نے جنم لیا جس نے سب کو اپنی لپیٹ میں لے لیا... اللہ کی اس پکڑ نے لوگوں کو جھنجھوڑ کے رکھ دیا... لوگوں کی ایک بڑی تعداد وبا کے باعث جان کی بازی ہار گئی ...اس دور عصر میں بہت سے لوگ ایسے بھی تھے جو یہ سمجھتے تھے کہ ان کے بغیر کوئی کاروبار نہیں چل سکتا یا جن کے بغیر دنیا کے کام رک جائیں گے اللہ نے انکے اس تکبر کو توڑ ڈالا... لوگ جو یہ بھول گئے تھے کہ کوئی "کن فیکون" کا اختیار بھی رکھتا ہے پھر اس رب نے دنیا کو یاد دلا دیا کہ "پس میں جو چاہتا ہوں وہ ہو جاتا ہے یہ کائنات کی ہر شے میری محتاج ہے میں کسی کا محتاج نہیں "........ ندا نثار ❤️