اللہ اور آج کا انسان

انسان!!! 

اس لفظ پر جتنا اور جس بھی انداز سے لکھا جائے میرے خیال میں تب بھی اس کی تشریح ممکن نہیں...

کہنے کو انسان اپنے آپ کو عاجز اور ہر دوسرے انسان کو منافق سمجھتا ہے...

میرے خیال میں ہر شخص میں کہیں نا کہیں منافقت کا مادہ پایا جاتا ہے...جس طرح ہمارا ظاہر دنیا کے سامنے ہوتا ہے اگر ایسے ہی ہمارا باطن بھی ظاہر ہو جائے تو میرا نہیں خیال کہ کوئی ذی روح بھی ہم انسانوں کی طرف دیکھنا گوارہ  کرے گی ... 

ہم کدورتوں کے بھی اس قدر عادی ہو چکے ہیں کہ دل میں زہر رکھ کر زبان سے شریں گفتگو کرنے کو اک بہت اچھا فعل سمجھتے ہیں... 

دیکھا جائے تو ہر شخص کبھی نا کھبی موقع ملنے پر اپنے سے کم تر پر رعب جمانے اور اپنے باطن کی فرعونیت ظاہر کرنے کی کی کوشش کرتا ہےاور پھر لوگوں کے سامنے یہ ظاہر کرتا ہے کہ اس جیسا عاجز و انکسار شخص کرہ ارض پر نہیں پایا جاتا ہے.... 

جانتے ہو اللہ پاک نے حضرت آدم علیہ السلام کو بنانے کے بعد انسان کی تخلیق کا ذکر جب فرشتوں سے کیا تو انہوں نے اللہ پاک سے کیا کہا... 

اے اللہ پاک!!! آپ ایسا شخص بنانے لگے ہیں جو زمین پر فساد برپا کرے گا اور خون بہاۓ گا؟؟؟ 

اور آج ہمارے معاشرے کے حالات سے ہر شخص بخوبی واقف ہے... 

میرے خیال میں ہر شخص کی زندگی میں کم ظرف انسانوں کی اقسام ہوتی ہیں... جیسے کہ 

کچھ لوگ ہماری زندگی میں ایسے ہوتے ہیں جو سامنے سے ہم پر وار کرتے ہیں، کچھ ہماری پیٹھ پیچھے وار کرتے ہیں، کچھ لوگ ہماری خوشیوں سے حسد کرتے ہیں ، کچھ لوگوں کو ہمارا غم و پریشانی میں مبتلا رہنا اچھا لگتا،  یا کچھ لوگوں کو ہمارے خلاف چالیں چلنا بخوبی آتا ہے... ایسے انسانوں سے بچنا چاہیے اور اللہ کریم نے ایسے لوگوں کا ذکر قرآن پاک میں کچھ اس طرح سے کیا ہے... 

وَلَا يَحِيقُ الْمَكْرُ السَّيِّئُ إِلَّا بِأَهْلِه

اور نہيں گهيرتى *برى چال* مگر اپنے چلنے والے

اسی طرح انسان خطا کا پتلا ہے اور جب کوئی چھوٹا بڑا گناہ کرکے خود کو ناپاکی کی چادر اوڑھے یا چند دن عبادت کرنے کے بعد لوگوں کے سامنے پاکی کا لبادہ اوڑھے دوسروں پر تنقید کرنے میں اور انکی زندگی اجیرن کرنے میں مصروف ہوجاتے ہیں...

لیکن اس سب میں ہم انسان یہ بھول جاتے ہیں کہ وہ جو آسمانوں میں رہنے والا ہے وہ رب اپنے بندے کی شہ رگ سے بھی زیادہ قریب رہتا ہے .... وہ انسان کو ڈھیل دیے رکھتا ہے اور پھر جب اس کی رسی کو کھینچتا ہے تو انسان کو اتنی مہلت نہیں ملتی کہ وہ توبہ کر سکے اور اس وقت وہ اپنے آپ پر ترس کھانے کے قابل بھی  نہیں رہتا ہے .....

حَدَّثَنَا مُحَمَّدُ بْنُ الْمُثَنَّى ، حَدَّثَنِي غُنْدَرٌ ، حَدَّثَنَا شُعْبَةُ ، عَنْ مَعْبَدِ بْنِ خَالِدٍ ، سَمِعْتُ حَارِثَةَ بْنَ وَهْبٍ ، قَالَ : سَمِعْتُ النَّبِيَّ صَلَّى اللَّهُ عَلَيْهِ وَسَلَّمَ ، يَقُولُ :    أَلَا أَدُلُّكُمْ عَلَى أَهْلِ الْجَنَّةِ ؟ كُلُّ ضَعِيفٍ ، مُتَضَعَّفٍ ، لَوْ أَقْسَمَ عَلَى اللَّهِ لَأَبَرَّهُ ، وَأَهْلِ النَّارِ ؟ كُلُّ جَوَّاظٍ ، عُتُلٍّ ، مُسْتَكْبِرٍ    .

میں نے نبی کریم صلی اللہ علیہ وسلم سے سنا، آپ صلی اللہ علیہ وسلم فرماتے تھے کہ میں تم کو بتلاؤں بہشتی کون لوگ ہیں، ہر ایک غریب ناتواں جو اگر اللہ کے بھروسے پر قسم کھا بیٹھے تو اللہ اس کو سچا کرے  ( اس کی قسم پوری کر دے )  اور دوزخی کون لوگ ہیں ہر ایک موٹا، لڑاکا، مغرور، فسادی۔ 

یہ حدیث مبارکہ ہماری اصلاح کرنے کے لئے کافی ہے....جزاک اللہ ❤️

ندا نثار ❤️