امید

امید..امید...

پڑھنے میں کتنا آسان اور سادہ سا لفظ ہے پر دیکھا جائے تو لوگوں کی زندگی کا تسلسل اس لفظ پر منحصر ہے... لوگ اکثر کہتے ہیں فلاں شخص یا عزیز نے دھوکا یا تکلیف دی لیکن میرے خیال میں دھوکا یا تکلیف ہمیں عزیز رشتے یا لوگ نہیں دیتے بلکہ ان سے جڑی امیدیں ہمارا سینہ چھلنی کرتی ہیں..امید اور یقین بیساکھی کی مانند کردار ادا کرتے ایک انسان کی زندگی میں یعنی ان کے بغیر کسی بھی مقام پر لڑکھڑا سکتا ہے... اس بات سے بھی انکار نہیں کیا جاسکتا کہ اکثر اوقات امیدیں انسان کو مایوس کردیا کرتی ہیں...  جانتے ہو وجہ کیا ہے؟؟؟ وجہ یہ ہے کہ جب ایک انسان اپنے دامن سے ہاتھ پاؤں باہر کر کے کسی کی آس لگا کر بیٹھے گا تو پھر وہ آس اسے پریشان ہی کرے گی... ہم کم عقل لوگ ہوتے ہیں اپنی سوچوں میں امیدوں کے پل باندھ کر اس پر چلنے کی بھی نہیں بھاگنے کی کوشش کرتے ہیں اور جب بھاگتے ہوئے لڑکھڑاتے یا گرتے تو اس کا قصوروار خود کو نہیں اللہ کو ٹھراتے ہیں کہ اس نے ہماری امیدوں کا پل توڑا ہے... ❤️

امید اور یقین کا ایک کمزور پہلو یہ بھی ہے کہ ہم انسانوں سے بے تحاشا امیدیں وابستہ کرلیتے ہیں اور اس سب میں ہم اللہ رب العزت کو بھول بیٹھتے ہیں اور جانتے ہو انسان اپنے مطلب کی حد تک ہماری امیدوں پر پورا اترتا ہے جب اس کا مطلب پورا ہوتا ہے تو وہ یہ سمجھنے سے قاصر ہو جاتا ہے کہ کسی دوسرے نے اپنے آپ کو اس پر منحصر کر لیا ہے اور پھر ہوتا کیا ہے کہ ہمارا دل کسی کانچ کی طرح کرچی کرچی ہوجاتا ہے اور ان لمحات میں ہمیں سب سے زیادہ جو ذات یاد آتی ہے وہ ہمارے رب کی ذات ہوتی ہے... 

لیکن زندگی امید کے بغیر بھی ممکن نہیں... انہی امیدوں کے سہارے ہی گزرتی ہے اور جانتے ہو ان بندھتی ٹوٹتی امیدوں کا مثبت پہلو ہمیں اللہ کے قریب کرنا ہوتا ہے اگر ہم غور و فکر کریں تو...؟؟؟...... ندا ❤️