بے چینیِ قلب

ہمارے ہاں... جب ایک بچہ پرورش پاتا ہے تو اسے سب سے پہلے دنیا سے محبت سکھائی جاتی ہے ....اسے کہنے کی حد تک اللہ کا ذکر تو سکھایا جاتا ہے لیکن اسے اس رب العزت سے محبت نہیں سکھائی جاتی...  جنت اور جہنم کے بارے میں بتایا جاتا ہے اسے یہ نہیں کہا جاتا کہ اللہ اور اس کے نبی کی محبت اور سنتوں پر عمل زندگی کا حصول ہے. اسے یہ نہیں بتایا جاتا کہ دنیا کی محبت ایک تاریک سرنگ ہے جس میں داخل ہو کر انسان سب دیکھتا، سنتا اور بولتا تو ہے لیکن حقیقت میں اس کے دل پر مہر لگا دی جاتی ہے...جیسا کہ قرآن پاک میں (ہم جیسوں) دنیا کے پجاریوں کا ذکر کچھ یوں کیا گیا ہے

 "یقیناً آنکھیں اندھی نہیں دل اندھے ہوجاتے ہیں جو سینوں میں ہیں" (الحج) 

ہمارے معاشرے میں بچے کے ذہن میں نماز صرف ایک فرض ہے کے طور پر ڈالی جاتی ہے محبت کے طور پر نہیں ... اس معاملے میں، میں ماؤں کے کردار کو سمجھنے سے قاصر ہوں کہ وہ دنیاوی تعلیم کے لئے بچوں پر بہت محنت کرتیں ہیں لیکن دینی تعلیم پر نہیں... یہی بچہ جب عمر کی منزلوں کو طے کرتا ہے تو سب سے زیادہ جس بات کی مشکل درپیش آتی ہے وہ ہوتی ہے "دل کی بےچینی"
ہو بھی تو کیوں نہ؟؟؟ ہمیں اللہ تعالیٰ سے محبت تو سکھائی نہیں جاتی ہمیں تو یہ سکھایا جاتا ہے جب کوئی مشکلات آئیں زندگی میں تو اللہ کے در پہ جاؤ.........جانتے ہو ہماری زندگی کا سب سے بڑا خسارہ ہی یہی ہوتا ہے ...
میرے خیال میں سب سے زیادہ والدین کو اس معاملے میں غوروفکر کی ضرورت ہے...
ندا نثار ❤️